Realiza inspeccións periódicas nos espazos de traballo para detectar riscos (caídas, accidentes con maquinaria ou exposición a substancias perigosas). Ademais, avalía os riscos de cada actividade e propón medidas preventivas.

Desenvolver o Plan de Seguridade e Saúde do proxecto, definindo medidas preventivas e procedementos de traballo seguro. Garantir que todos os traballadores coñezan e cumpran co plan establecido.

Organizar sesións formativas sobre riscos laborais específicos, segundo cada caso. Fomentar unha cultura de prevención a través de actividades de sensibilización, que impliquen os equipos e directivos.

Verificar que a empresa e os seus traballadores cumpren coa Lei de Prevención de Riscos Laborais e outras normativas aplicables. Realizar auditorías periódicas para detectar posibles incumprimentos e corrixir deficiencias.

Supervisar o uso axeitado dos Equipos de Protección Individual, como por exemplo no caso das obras os cascos, botas, luvas, protección auditiva, etc. Asegurar que os EPIs sexan os axeitados para cada tarefa e estean en condicións óptimas

Analizar as causas dos accidentes e propor medidas correctivas. Elaborar informes detallados para previr futuras incidencias.

Colaborar co Coordinador de Seguridade e Saúde, enxeñeiros e médicos laborais para garantir unha contorna segura. Informar os responsables dos traballos sobre deficiencias e posibles melloras en seguridade.

Fomentar e promover unha actitude proactiva en PRL. Impulsar boas prácticas e programas de mellora continua en seguridade laboral.