TAMGO CONSULTORÍA: Plan de Igualdade
Tamgo axúdao a implementaro Plan de Igualdade
A misión de Tamgo é apoiar, orientar, acompañar, asesorar e proporcionar as ferramentas necesarias para facilitar a visión legal e a perspectiva de xénero requiridas, asegurando que as empresas cumpran coa súa obrigación legal de implementar un Plan de Igualdade. Este plan debe ser froito da negociación coa representación das persoas traballadoras, incluíndo a súa intervención na elaboración do plan, así como na realización do diagnóstico.
¿Que é un plan de igualdade?
Os plans e medidas de igualdade nas empresas son instrumentos eficaces para combater as formas de discriminación existentes nas organizacións e promover cambios culturais que eviten sesgos e estereotipos de xénero, contribuíndo á igualdade real entre mulleres e homes.
A miña empresa non discrimina. ¿Teño que facer un plan de igualdade?
A ausencia de discriminación directa non garante a igualdade de trato e oportunidades entre mulleres e homes. A baixa representación de mulleres, xa sexa en certos postos de traballo ou en niveis de responsabilidade, pode indicar discriminación.
¿Pode a miña empresa ser sancionada pola administración?
Por suposto, se non cumpre coas obrigacións previstas na Lei de Igualdade. O incumprimento das obrigacións da Lei Orgánica 3/2007 para a igualdade efectiva de mulleres e homes está contemplado na Lei de Infraccións e Sancións na Orde Social.
A nosa metodoloxía de traballo estrutúrase en 6 fases:
Fase 1: Constitución da comisión de Igualdade
A organización recadará o compromiso da dirección para implantar o Plan de Igualdade e constituirá unha Comisión Negociadora paritaria, que será o órgano decisorio. Os seus integrantes recibirán formación básica en igualdade e fixarase un calendario de reunións para ordenar o proceso.
Fase 2: Avaliación e diagnóstico
Recopilarase información para analizar exhaustivamente a situación actual da empresa. A partir deste diagnóstico, identificaranse situacións que xeren discriminación ou limiten a igualdade, formularanse propostas para corrixilas e incorporaranse tanto unha valoración dos postos de traballo como unha auditoría retributiva.
Fase 3: Elaboración do plan de igualdade
Definiranse os obxectivos a acadar e proporanse medidas avaliables acompañadas dunha cronoloxía para o seu cumprimento. Así mesmo, asignaranse os recursos necesarios para a súa implantación e elaborarase un protocolo específico para a prevención do acoso sexual e por razón de sexo.
Fase 4: Execución e implantación
Entregarase á empresa a documentación necesaria para inscribir o Plan no Rexistro de Plans de Igualdade, levarase a cabo a comunicación interna e externa para sensibilizar ao persoal e reforzar a imaxe de marca, e procederase a implantar as medidas definidas na fase anterior.
Fase 5: Formación
En función das necesidades do/da cliente/a, poderanse ofrecer diferentes tipos de formación para o persoal, adaptadas a diversas modalidades e grupos participantes, conforme ao Plan Formativo específico deseñado.
Fase 6: Seguimento
Ofrecerase información e asesoramento sobre as novidades lexislativas aplicables e un seguimento periódico da implementación das medidas que levará a cabo a organización. Ademais, darase soporte técnico ante situacións de acoso, actualizarase o Rexistro Salarial e avaliarase regularmente o avance do Plan.
Beneficios de implementar un plan de igualdade
- Reduce o absentismo e a tensión laboral do equipo.
- Retén e aproveita mellor o talento, baixando a rotación e os custos.
- Prevén a discriminación e o acoso, cumprindo a normativa.
- Mellora a conciliación e o benestar, aumentando a produtividade.
- Reforza a imaxe corporativa, a innovación e a responsabilidade social.
